05 сен 16:31
Новости

Теннис

18 ёшли Кори Гофф US Open чорак финалига чиқди

Мавсумнинг сўнги "Катта Дубулға" турнири ўзининг қизғин палласига кириб улгурди.

Жаҳоннинг 12-ракеткаси америкалик Кори Гофф АҚШ Очиқ чемпионатининг тўртинчи босқичида WТА рейтингида 36-ўринни эгаллаб турган хитойлик Чжан Шуайни 7/5, 7/5 ҳисобида мағлубиятга учратиб, чорак финалга чиқди.

Теннисчилар кортда 1 соату 59 дақиқа ҳаракат қилишди. Спортчиларнинг ўзаро учрашувларида ҳисоб америкалик теннисчи фойдасига 2:0 кўринишига келди.

Гоффнинг US Open турниридаги навбатдаги рақиби франциялик Каролин Гарсия бўлади.