05 авг 15:49
Новости

Теннис

18 ёшли Мбоко фаолиятида илк бор WTA турнири 1/2 финалига чиқди

Канаданинг Монреаль шаҳрида теннис бўйича WTA 1000 тоифасига кирувчи нуфузли турнир давом этмоқда.

WTA рейтингида 85-поғонада бораётган канадалик теннисчи Виктория Мбоко 1/4 финалда дунёнинг 51-ракеткаси испаниялик Жессика Бусас Манейродан ортиқча қийинчиликсиз устун келди - 6/4, 6/2. Бу теннисчиларнинг ўзаро ўтказган илк учрашуви эди.

Етмиш саккиз дақиқа давом этган баҳсда Мбоко 3 та эйс ва 5 та брейкни амалга ошириб, 2 та қўшхатога йўл қўйди. 18 ёшли Мбоко фаолиятида илк бор WTA турнирининг 1/2 финалида ўйнайди. У ушбу босқичга етиб келган иккинчи канадаликка ҳам айланди. Мбокодан аввал бу натижага Белинда Бенчич эришганди.