08 июл 13:48
Новости

Теннис

18 ёшли Мирра Андреева фаолиятида ик бор Уимблдон 1/4 финалига чиқди

Лондон шаҳри мезбонлик қилаётган теннис бўйича "Катта Дубулға" туркумига кирувчи Уимблдон турнири ўзининг қизғин палласига кирди.

Дунёнинг еттинчи ракеткаси Мирра Андреева мусобақанинг чорак финал иштирокчисига айланди. Россиялик 18 ёшли иқтидор эгаси 1/8 финалда WTA рейтингида 10-ўринни эгаллаб турган америкалик Эмма Наваррога ҳеч қандай имконият қолдирмади - 6/2, 6/3.

Бу теннисчиларнинг ўзаро ўтказган илк учрашуви бўлди. Етмиш беш дақиқа давом этган баҳсда Андреева 2 та эйс, 5 та брейк қайд этиб, 2 та қўшхатога йўл қўйди. Андреева фаолиятида ўнинчи маротаба Топ-10 рейтингидаги рақибасини таслим этди. Энди у ярим финал чиптаси учун швейцариялик Белинда Бенчичга қарши кортга чиқади.