14 апр 10:09
Новости

Бокс/ММА

38 ёшли Гилберт Бёрнс Нурсултон Рўзибоев билан бир оқшомда жанг қилади

17 май куни Лас-Вегас (АҚШ)даги UFC Apex мажмуасида навбатдаги UFC Fight Night турнири ташкил этилади.

Оқшомдан ўрин олган навбатдаги жанг маълум қилинди.

Инсайдер Марсель Дорффнинг хабар беришича, яримўрта вазн тоифасидаги бразилиялик аралаш яккакураш устаси Гилберт Бёрнс UFC Vegas 106 турнирида октагонга чиқади. Унга эквадорлик Майкл Моралес рақиб бўлади. Аслида, ушбу жанг кеча бўлиб ўтган UFC 314 турнирида ўтказилиши керак эди.

Лас-Вегсдаги мазкур турнирда ҳамюртимиз Нурсултон Рўзибоев АҚШ вакили Дастин Стольцфусга қарши жанг ўтказади.

Маълумот учун, 38 ёшли Гилберт Бёрнс фаолияти давомида ҳозиргача 30 та жанг ўтказиб, 22 ғалаба ва 8 та мағлубият қайд этган. У сўнгги жангини 2024 йилнинг сентябрь ойида Шон Брэдига қарши ўтказиб, очколар ҳисобига кўра мағлуб бўлган эди.

25 ёшли Майкл Моралес ҳисобида эса 17 та ғалаба бор. У 2024 йилнинг август ойида ўтказган сўнгги жангида Нил Мэгнини нокаут орқали таслим этган.