04 сен 11:29
Новости

Тхэквондо

4 сентябрь - Бутунжаҳон таэквондо куни!

Бундан 28 йил олдин, 1994 йилнинг 4 сентябрь куни Халқаро Олимпия қўмитаси ўзининг Париждаги сессиясида Таэквондо WТ спорт турини расман Олимпиадага қабул қилинганини эълон қилди.

2000 йил Австралиянинг Сидней шаҳрида ўтган Олимпия ўйинларида илк бор таэквондочилар қатнашишган. 2006 йил Вьетнам пойтахти Хошимин шаҳрида Бош Ассамблея томонидан 4 сентябрь санасини "Бутунжаҳон таэквондо куни" деб эълон қилинган. Шундан буён ҳар йили ушбу санада таэквондо куни байрам қилинади.

Бугунги кунда Ўзбекистонда 20 мингга яқин спортчи таэквондо билан шуғулланиб келмоқда. Кўплаб таэквондочиларимиз Жаҳон ва Осиё чемпионатларида олтин медалларга эришишган. 2021 йил Токиода ўтган Олимпия ўйинларида ўзбекистонлик Улуғбек Рашитов олтин медални қўлга киритди ва юртимиз таэквондоси учун янги тарих яратиб берди. 2022 йилда эса Светлана Осипова Жаҳон чемпионатида олтин медаль қўлга киритган илк ўзбекистонлик аёл таэквондочига айланди.

Шунингдек, куни кеча Улуғбек Рашитов яна бир тарихий натижа қайд этиб, кетма-кет икки бор Гран-при турнири чемпионига айланган илк ўзбек таэквондочиси бўлди.