25 дек 12:15
Новости

Бокс/ММА

46 ёшли Мэнни Пакьяо амалдаги чемпионга "вызов" ташлади

Саккиз вазн тоифасида собиқ жаҳон чемпиони Мэнни Пакьяо яна рингга қайтиш истагини билдирди.

Филиппинлик 46 ёшли афсона яримўрта вазн тоифасида амалдаги WBC чемпиони Марио Барриосни жангга чорлади. Бу ҳақда BoxingNews24 портали хабар берди. Барриос шу йилнинг ноябрь ойида Абел Рамосга қарши илк ҳимоя жангини ўтказганди. Жанг дуранг натижа билан якунлангани боис, камар амалдаги чемпионда қолган эди.

Мэнни Пакьяонинг сўнгги расмий жанги эса 2021 йилнинг август ойида ўтказилган ва ўшанда у кубалик Йорденис Угасга ҳакамларнинг қарорига кўра ютқазиб қўйганди. Пакьяо проф боксдаги фаолияти давомида 72 та жанг ўтказиб, 62 ғалаба (39 таси нокаут билан), 8 мағлубият ва 2 дуранг қайд этган.