10 ноя 17:11
Новости

Бокс/ММА

46 ёшли собиқ UFC чемпиони проф боксда дебют қилди (ВИДЕО)

АҚШнинг Нэшвилл шаҳрида Misfits Boxing профессионал бокс турнири бўлиб ўтди.

Оқшом доирасида оғир вазнда собиқ UFC чемпиони Андрей Орловский профессионал боксдаги дебютини нишонлади. Беларуслик аралаш яккакураш устаси америкалик Келечи Дайк (1-1, 1 KO)ка қарши рингга кўтарилди. Жангнинг тўртинчи раундида Орловский рақибини нокаутга учратди.

Таъкидлаш жоиз, Андрей Орловский бу йил Dirty Boxing ва BKFC лигаларида ҳам жанг ўтказиб, ғалаба қозонишга муваффақ бўлган эди. 46 ёшли Орловский профессионал ММАда 1999 йилда дебют қилган. 2000 йилда UFC промоушенида илк жангини ўтказган. Оғир вазнда UFC чемпиони бўлган. Strikeforce ва Fight Nights лигаларида ҳам иштирок этган.