06 июн 16:04
Новости

Другие

5000 доллар кимга насиб қилди? Хивада Баҳодирлар ўйини мусобақаси якунланди (ФОТОГАЛЕРЕЯ)

Хабар бериб ўтганимиздек, 4-5 июнь кунлари Хива шаҳри баҳодирлар ўйини бўйича иккинчи "Паҳлавон Маҳмуд - Strongman Games" турнири бўлиб ўтди.

Икки кун давом этган мусобақада жаҳоннинг 13 мамлакатидан 15 нафар спортчи иштирок этди. Спортчилар мусобақа давомида бир қатор шартларни бажаришди.

Шартлар якунига кўра, эронлик полвон Ризо Хейтаси рақибларидан кўп очко тўплади ва биринчи ўринни қўлга киритди. Иккинчи ўриндан эса Янги Зеландия вакили Ронго Кин жой олди. Кучли учликка WSF терма жамоаси аъзоси Петр Мартиненко якун ясади. Ўзбекистонлик спортчилар эса 10-11 поғоналардан жой олдилар.

Мусобақа регламентига кўра, олтин медаль соҳиби ҳисобланган эронлик спортчига 5000 доллар тақдим этилди. Иккинчи ва учинчи ўриндан жой олган полвонлар эса мос равишда 3000 ва 1000 доллар билан мукофотланишди.

Турнирнинг иккинчи кун беллашувлари ҳамда тақдирлаш маросимидан суратларни томоша қилинг.