23 мая 11:37
Новости

66 ёшли Гасперини фаолиятидаги илк совринни қўлга киритди. У Европа лигаси тарихига ҳам кирди

Кеча, 22 май куни "Аталанта" Европа лигаси финалида "Байер"ни 3:0 ҳисобида тор-мор этди.

Шундай қилиб, жамоа бош мураббийи Жан Пьеро Гасперини 66 ёшида профессионал фаолиятидаги дастлабки совринни қўлга киритди. У Европа лигаси ғолибига айланган энг фахрий мураббийга айланди. Италиялик мураббий 2016 йил июнь ойидан буён "Аталанта"ни бошқармоқда.

Гасперинининг клуб билан шартномаси 2025 йилгача тузилган. "Аталанта" бу мавсум Италия кубоги финалига ҳам чиққан ва "Ювентус"га ютқазиб қўйганди (0:1). Гасперини фаолияти давомида «Кротоне», «Женоа», «Интер» ва «Палермо» каби клубларда ишлаган.