15 авг 19:26
Новости

Бокс/ММА

93 ёшли Дон Кинг супероғир вазнда камар учун кечадиган жангни анонс қилди

Америкалик афсонавий промоутер шу ёшига қарамай, проф бокс турнирларини ташкил этишда фаоллик кўрсатмоқда.

Дон Кинг супероғир вазнда WBA Regular чемпиони болгариялик Кубрат Пулев ҳамда мажбурий даъвогар Майкл Хантер ўртасидаги жангни эълон қилди. Ушбу 12 раундлик жанг 4 октябрь куни АҚШнинг Майами шаҳрида бўлиб ўтади. Турнир Don King Productions промоутерлик компанияси томонидан ташкил этиляпти.

Кинг промоутерлик савдосини ютиб олган. Бир муддат аввал Хантернинг 11 сентябрь куни Лас-Вегас шаҳрида ўтказилалиган "Канело-Кроуфорд" оқшомида Жаррелл Миллерга қарши рингга чиқиши айтилганди.

Шунингдек, 4 октябрь кунги профессионал бокс турнирида Эдриэн Бронер, Ноэль Микаэлян ва Блейр Коббс ҳам ўзларининг навбатдаги жангларини ўтказишади.