07 ноя 17:29
Новости

А Серияда октябрь ойининг энг яхши футболчиси маълум

"Наполи" ярим ҳимоячиси Франк Замбо-Ангисса Италия А Сериясида муносиб эътирофга сазовор бўлди.

У лиганинг октябрдаги энг яхши ўйинчиси деб топилди.

Мукофот 22 ноябрь, шанба куни Неаполдаги Диего Армандо Марадона номидаги стадионда бўлиб ўтадиган "Наполи" – "Аталанта" ўйинидан олдин топширилади.

Замбо-Ангисса мухлисларнинг овоз бериши ва индивидуал статистикага асосланиб, Федерико Бонаццоли ("Кремонезе"), Хакан Чалханоглу ("Интер"), Никокло Камбиаги ("Болонья"), Элиа Каприле ("Кальяри") ва Рафаэль Леау ("Милан") каби ўйинчиларни ортда қолдирди.

Ангисса ўтган ой "Наполи"нинг барча ўйинларида майдонга тушиб, 3 та гол урди. Италия чемпиони А Серия турнир жадвалида "Интер"дан бир очко олдинда борган ҳолда етакчилик қилмоқда. Антонио Конте жамоаси кейинги ўйинни 9 ноябрь куни сафарда "Болонья"га қарши ўтказади.