23 мая 18:16
Новости
Бокс/ММА
Аббосхон Йўлдошев 27 май куни рингга кўтарилади
Профессионал боксчимиз Аббосхон Йўлдошев қисқа муддатли танаффусдан сўнг яна рингга қайтяпти.
27 май куни Сирдарё вилояти маркази Гулистон шаҳрида навбатдаги профессионал бокс кечаси ташкил этилади. Жами 11 та жанг ўтказиладиган бокс оқшомининг марказий жангида қўқонлик Аббосхон Йўлдошев сирдарёлик Миржамол Абдуғаффоровга қарши рингга кўтарилади. 66.6 кг вазндаги ушбу жанг 4 раунд этиб белгиланган.
Маълумот учун, Аббосхон сўнгги жангини шу йилнинг 26 февраль куни Тошкентда Довруғбек Ибрагимовга қарши ўтказиб, рақибини муддатидан аввал мағлуб этган эди. Иккинчи раунддан кейин Ибрагимовнинг мураббийлари жангни давом эттирмасликка қарор қилишганди.
Ссылка :
Источник : olamsport.com
Комментарии