01 сен 17:59
Новости

Бокс/ММА

Абдул-Раҳмон Яҳёевга UFC`да дебют жанг берилди

Асли чеченистонлик, ҳозирда Туркия шарафини ҳимоя қилаётган Абдул-Раҳмон Яҳёев дунёнинг энг кучли аралаш яккакураш Лигасида дебют қилади.

Унинг илк жанги 22 ноябрь куни Қатар пойтахти Доҳа шаҳрида ташкил этиладиган UFC турнири доирасида бразилиялик Рафаэль Серкейрага қарши бўлиб ўтади. Абдул-Раҳмон яримоғир вазн тоифаси жангчиси ҳисобланади.

Мағлубият нималигини билмай келаётган 24 ёшли Яҳёев ўтган ҳафта Contender Series даъвогарлар турнирида америкалик Алик Лоренцни 30 сониядаёқ нокаутга учратиб, UFC`дан шартнома қабул қилиб олганди. 35 яшар Рафаэль Серкейра эса UFC октагонида 3 та жанг ўтказиб, барчасида мағлубиятга учраган. Ибо Аслан ва Модестас Букаускасга нокаут, Жулиус Уокерга эса очколар ҳисоби билан ютқазган.