13 июн 10:10
Новости

Теннис

Абдураимова Берлин WTA 500 турнирининг саралаш финал учрашувида кортга чиқди

Германиянинг Берлин шаҳрида теннис бўйича нуфузли WTA 500 турнирининг саралаш баҳслари якунига етди.

Саралашнинг ярим финал учрашувида зафар қучган ҳамюртимиз Нигина Абдураимова финалга бериладиган баҳсда ўз омадини синаб кўрди. WTA рейтингида 210-поғонадан жой олган Нигина дунёнинг 147-ракеткаси, россиялик Анастасия Гасановага қарши кортга чиқди.

Афсуски, мамлакатимизнинг биринчи ракеткаси роппа-роса 90 дақиқа давом этган учрашувда саралашнинг олтинчи ракеткасига 5/7, 2/6 ҳисобида имкониятни бой бериб, мусобақадаги иштирокини якунлади. Баҳс давомида Абдураимова битта эйс зарбасини амалга оширган. Настяда бу кўрсаткич нолга тенг бўлди.