01 окт 18:15
Новости

Теннис

Абдураимова WTA 250 турнири саралаши финалига йўл олди

Туниснинг Монастир шаҳрида WTA 250 тоифасига кирувчи турнирнинг саралаш учрашувлари давом этмоқда.

Мукофот жамғармаси 251,750 долларни ташкил этувчи Jasmin Open Monastir турнирида ҳамюртимиз Нигина Абдураимова ҳам ўз омадини синаб кўряпти. Мамлакатимизнинг биринчи ракеткаси саралашнинг ярим финалида франциялик Эликсан Лешемиани 6/1, 6/4 ҳисобида таслим этди.

Етмиш саккиз дақиқа давом этган баҳсда Нигина 2 та эйс, 4 та қўшхато, 6 та брейк қайд этган. WTA рейтингида 187-ўринни эгаллаб турган Абдураимова асосий тўрга йўлланма берувчи учрашувда дунёнинг 125-ракеткаси, япониялик Моюка Учиямага қарши кортга чиқади.