01 мая 11:22
Новости

Теннис

Абдураимовадан Ноттингем турнири яккалигида кутилган натижа

Буюк Британиянинг Ноттингем шаҳрида теннис бўйича ITF турнири бўлиб ўтмоқда.

W35 тоифасига кирувчи ушбу мусобақада ҳамюртимиз Нигина Абдураимова ҳам иштирок этяпти. Мамлакатимизнинг биринчи ракеткаси яккаликнинг илк даврасида австриялик Тамира Пашекка қарши кортга чиқди. Олтмиш етти дақиқа давом этган баҳсда Пашек осон ғалабага эришди - 6/1, 6/1.

Таққослаш учун, 30 яшар Нигина Абдураимова WTA рейтингида 825, турнирда учинчи рақам остида таснифланган 34 ёшли Тамира Пашек эса 389-поғонадан жой олган. Энди Абдураимова бор эътиборини жуфтлик мусобақасидаги иштирокига қаратади.