08 авг 09:19
Новости

Бокс/ММА

Абдурасул Исмоилов Иноуэга қарши чемпионлик камари учун жанг қилади!

30 август куни Япония пойтахти Токио шаҳрида навбатдаги профессионал бокс оқшоми бўлиб ўтади.

Биз учун аҳамиятлиси, мазкур оқшомда енгил вазн тоифасида ўзбекистонлик чарм-қўлқоп устаси Абдурасул Исмоилов (10-1) вакант бўлиб турган WBO Asia Pacific камари учун жанг қиладиган бўлди. Унга ўша куни ҳамюртимизг япониялик тажрибали боксчи Коки Иноуэ (16-1) рақиблик қилади. Маълумот учун, Коки энг енгил вазнда собиқ мутлақ жаҳон чемпиони Наоя Иноуэнинг амакиваччаси ҳисобланади.

Эслатиб ўтамиз, Абдурасул Исмоилов сўнгги жангини жорий йилнинг 11 март куни мўғулистонлик Очирсурен Амарсанага қарши ўтказиб, 2-раундда нокаут билан ғалаба қозонган эди. Коки Иноуэ эса февраль ойида ўтказган охирги жангида Таиланд вакили Пакорн Аемёдни нокаутга учратган эди.