14 мар 09:31
Новости

Шахматы

Абдусатторов ва Синдаров “Freestyle Chess Grand Slam Tour” турнири саралашида ўйнади

Хабар берганимиздек, 7-15 апрель кунлари Франция пойтахти Париж шаҳрида фишер шахмати бўйича “Freestyle Chess Grand Slam Tour” турнирининг навбатдаги босқичи бўлиб ўтади.

Ушбу мусобақада дунёнинг 12 нафар кучли шахматчиси иштирок этади. Ҳозиргача 11 шахматчи маълум бўлиб улгурган. Сўнгги иштирокчи бугун нокаут тизимидаги мусобақада аниқланади. Кеча 16 халқаро гроссмейстер ягона йўлланма учун баҳсларга киришди.

Афсуски, саралашнинг биринчи босқичидаёқ икки ёш гроссмейстеримиз Нодирбек Абдусатторов ва Жавоҳир Синдаров рақибларига имкониятни бой бериб, мукофот жамғармаси 660 000 АҚШ долларини ташкил қилувчи “Freestyle Chess Grand Slam Tour” турнири финалига йўл ола билишмади.

Нодирбек Абдусатторов 1/8 финалда биринчи саралаш босқичи ғолиби ҳиндистонлик Пранеш Муниретинамга, Жавоҳир Синдаров эса америкалик Леньер Домингесга ютқазиб қўйди. Пранеш 1/4 финалда ҳамюрти Видит Гужратига, Домингес эса эронлик Амин Табатабайига ютқазиб, саралаш баҳсларидаги иштирокини якунлади.