07 сен 08:23
Новости

Тяжелая атлетика

Адҳамжон Эргашев: "Баъзида хато ҳам қилиб туриш керак" + ФОТОГАЛЕРЕЯ

Шу кунларда Саудия Арабистони пойтахти Ар-Риёд шаҳри оғир атлетика бўйича катталар ўртасидаги жаҳон чемпионатига мезбонлик қилмоқда.

Мусобақанинг биз учун илк кунги баҳсларида ҳамюртларимиздан Жамила Панфилова ва Адҳамжон Эргашев медаллар учун супачага чиқишди. Лекин ҳар икки атлетимиз кўрсатган натижалар медаллар учун кутилганидан ҳам кам бўлди. Айниқса, Эргашев ўз имконияти даражасидан анча паст ҳаракат қилди.

61 кг вазн тоифасидаги оғир атлетикачимиз даст кўтаришда 126, силтаб кўтаришда 160, умумий ҳисобда 286 кг натижа кўрсатди. Балки, Адҳамжоннинг Ар-Риёдга мусобақадан бир кун олдин етиб боргани ҳам натижага таъсир ўтказгандир.

"Баъзида хато ҳам қилиб туриш керак. Биз кутмаган кунлар кутилмаганда келади, Ин Ша Аллоҳ", - дея ўзининг Инстаграм саҳифасида суратлар ва унинг остида изоҳ қолдирган Эргашев.