28 авг 14:57
Новости

Бокс/ММА

Афғонистонлик Насрат Хақпарастнинг UFC'даги навбатдаги рақиби ва жанг санаси маълум бўлди

9 сентябрь куни Австралия пойтахти Сидней шаҳрида UFC 293 турнири ташкил этилади.

Аввалроқ, мазкур рақамли турнирда енгил вазн тоифасида афғонистонлик жангчи Насрат Хақпараст (14-5-0) ҳам жанг қилиши ҳақида хабар берилган эди. У ўша куни Сэм Петтерсон билан тўқнаш келиши лозим эди. Бироқ Сэм жароҳат олиши оқибатида жангда иштирок эта олмаслиги маълум бўлди ва натижада унинг ўрнини Лендон Куиноньес (7-1-1) эгаллади. Жанг прелим кард доирасида, 3 раунддан иборат бўлади.

Маълумот учун, Хақпараст UFC'да 2017 йилдан буён жанг қилиб келади. Шу вақт давомида у 10 та жанг ўтказиб, уларнинг 6 тасида ғалаба қозонган бўлса, 4 та жангда рақибларининг қўли баланд келган.

Ҳозирда UFC'даги афғонистонликлар сони 3 нафарни ташкил этади: Насрат Хақпараст, Жавид Башарат, Фарид Башарат.