08 ноя 13:42
Новости

Теннис

Афина (ATP 250). Новак Жокович финалда!

Дунёнинг бешинчи ракеткаси бўлиб турган Новак Жокович Греция пойтахти Афина шаҳрида давом этаётган ATP 250 тоифасига кирувчи турнирнинг финалчисига айланди.

Сербиялик теннис афсонаси 80 дақиқа давом этган 1/2 финал баҳсида ATP рейтингида 117-поғонадан жой олган германиялик Янник Ганфманндан 6/3, 6/4 ҳисобида устун келди. Теннисчиларнинг ўзаро учрашувларидаги ҳисоб йириклашди - 3:0.

Новак баҳс давомида 9, Ганфманн 6 та эйс зарбасини амалга оширган. Иккала теннисчи ҳам қўшхатога йўл қўймади. Брейклар бўйича устунлик табиийки, ғолиб томонида бўлди - 3 га 1. Жокович фаолиятидаги 144-финалига йўлланма олди.