02 мая 17:04
Новости

Гимнастика

Ажойиб! Бадиий гимнастикачиларимиз гуруҳ машқида Париж-2024 йўлланмасини қўлга киритишди

Бадиий гимнастика бўйича Ўзбекистон терма жамоаси Тошкентда старт олган лицензион Осиё чемпионатини муваффақиятли бошлади.

Гуруҳ машқида иштирок этган ҳамюртларимиз кўпкураш дастурида 69.95 балл жамғариб, олтин медал билан бирга Париж-2024 йўлланмасини ҳам нақд қилишди.

Юртдошларимиз 5 та ҳалқадаги чиқишда 36.60, 3 та тасма ва 2 та тўпдаги чиқишда эса 33.35 балл жамғаришга муваффақ бўлдилар. Иккинчи ўрин Япония жамоасига насиб этган бўлса, қозоғистонлик қизлар кучли учликни якунлаб беришди. Беллашувларда иштирок этган Мумтоза Исъҳоқзода, Шаҳзода Ибрагимова, Ирода Содиқова, Эвелина Аталянс, Амалия Мамедовага тасанно айтамиз.