10 апр 20:04
Новости
Акбар Жўраев Жаҳон кубогида 3 та олтин медални қўлга киритди! Унинг вазнидаги яна бир ҳамюртимиз ҳам совриндор бўлди
Мусобақанинг бугунги куни доирасида Ўзбекистон терма жамоасининг уч нафар аъзоси супачага кўтарилди.
Дастлаб, аёллар ўртасида +87 кг вазн тоифасидаги спортчимиз Турсуной Жабборова ўз баҳсини ўтказди. "А" гуруҳида иштирок этган ҳамюртимиз даст кўтаришда 119 кг натижа қайд этиб, бешинчи бўлди. Афсуски, Турсуной силтаб кўтариш беллашувларида учта имкониятнинг бирортасидан фойдалана олмади.
Эркаклар ўртасидаги -109 кг вазн тоифаси беллашувларида эса термамизнинг икки нафар вакили - Акбар Жўраев ҳамда Шарофиддин Амриддинов қатнашди.
Қувонарлиси, Акбар Жўраев даст кўтаришда 189 кг, силтаб кўтаришда 227 кг ва икки кураш натижасига кўра, 416 кг натижа билан уччала йўналишда ҳам олтин медалга сазовор бўлди.
Яна бир вакилимиз Шарофиддин Амриддинов эса даст кўтаришда 170 кг натижа билан бронза медалини қўлга киритди. Ёш спортчимиз силтаб кўтаришда 208 кг ва икки кураш натижасига кўра 378 кг натижа билан мос равишда 5- ва 4-ўринларни эгаллади.
Комментарии