21 июл 12:04
Новости

“Ал-Ҳилол” Саудия Арабистони Суперкубогида иштирок этишдан бош тортди

Риёдликлар матбуот хизмати томонидан футболчилардаги чарчоқ сабаб клуб Саудия Арабистони Суперкубогида иштирок этмаслиги маълум қилинган.

Жамоа баёнотида айтилишича, клублар ўртасидаги жаҳон чемпионатидаги иштироки сабабли футболчиларга 24 кунлик таътил берилган. Агар улар Суперкубокда иштирок этишса, таътил 21 кунгача қисқаради.

Қайд этилишича, бу САФФ томонидан чиқарилган Футболчиларнинг касбий маҳорати ва мақоми қоидаларига иловага киритилган мажбурий шартномаларнинг (5.6) бандига зид келади. Сабаби футболчиларнинг шартномасида ҳар йили камида 28 кунлик таътил олиш ҳуқуқи бор.

Шу сабабдан Суперкубогнинг амалдаги чемпионлари турнирда иштирок этмасликларини маълум қилишган.