27 ноя 07:35
Новости

Бокс/ММА

Алекс Перейранинг кейинги рақиби ва жанг санаси бўйича маълумотлар тарқалди

Ярим оғир вазн тоифасида UFC'нинг бразилиялик амалдаги чемпиони Алекс Перейранинг навбатдаги жанги тафсилотлари ҳақида хабар берилди.

38 яшар спортчи илк камар ҳимоя жангини Янги Зеландия вакили Карлос Ульбергга қарши ўтказиши айтилмоқда.

Жанг 2026 йилнинг 24 январь куни ташкил этиладиган UFC 324 турнири доирасида ташкил этилиши кутиляпти.

Эслатиб ўтамиз, Алекс "Поатан" Перейра сўнгги жангини октябрь ойида россиялик Магомед Анкалаевга қарши ўтказиб, ғалаба қозонган ҳолда UFC чемпионлигини қайтариб олганди. Унинг ҳисобида жами 13 та ғалаба ва 3 та мағлубият бор.

Фаолияти давомида 13 та жанг ўтказиб, 12 та ғалаба ва 1 та мағлубият қайд этган 35 ёшли Карлос Ульберг эса сўнгги бор сентябрь ойида октагонга чиқиб, Доминик Рейесни енгганди.