Али Багов - Рашид Магомедов жанги "спектакль" деб эълон қилинди + ВИДЕО

АСА 141 оқшомининг Co-main event жангида камдан-кам учрайдиган ҳолат кузатилди. Енгил вазн тоифасида Гран-прининг чорак финалидан ўрин олган ушбу беш ранудлик жангда Али Багов ва Рашид Магомедов ўзаро тўқнаш келишди. Икки дўст ўртасидаги жанг худди аввалдан келишилгандек руҳиятда ўтди. 

Жангчилар клинчга киришга уринишар, бир-бирларини аяб, кучли зарба бермасликка интилишарди. Бу ҳолат бешинчи раундгача давом этди. Рефери Герихан Шибилов деярли ҳар бир раунд бошида жангчиларни аямасдан жанг қилишга чақирди. Охири асаблари дош бермаган ACA раҳбари Майрбек Хасиев октагонга югуриб чиқди ва жангни тўхтатишга мажбур бўлди. Ҳар икки жангчи дисквалификация қилинди. Али ҳам, Рашид ҳам бу қарорга эътироз билдиришмади. 

"Бўлди! Тўхтатамиз! АСА лигаси болалар боғчаси эмас. Бу жиддий лига. Ким нима деб валдираса ҳам, мен учун бу дунёнинг кучли иккинчи лигаси ҳисобланади. Бизни ҳурмат қилмаганларга жавобимиз шу. Бўди! Дисквалификация! Бу ёғига асабларим дош бермайди. Бу нима деган гап? Сизлар бу ердагиларни ёш бола кўриб, ҳамманинг устидан куляпсизларми? Бўлди, сизлар бўшсизлар!", - дея ёрилди Хасиев.  

Таъкидлаш жоиз, ушбу чорак финал жанги ғолиби Гран-при 1/2 финалида Артем Резниковга қарши октагонга чиқиши лозим эди. Иккинчи ярим финалда эса Эдуард Вартанян ва Юсуф Раисов ўзаро тўқнаш келишлари белгиланган. 

Ушбу жараён видеосини томоша қилинг: