14 дек 11:57
Новости

Бокс/ММА

Алиасхаб Хизриев Маҳмуд Мурадов билан жангига Нурмагомедовлар билан бирга тайёргарлик кўрмоқда + ФОТО

Хабарингиз бор, ўрта вазн тоифасида ўзбекистонлик UFC жангчиси Маҳмуд Мурадов навбатдаги жангини россиялик Алиасхаб Хизриевга қарши ўтказади.

Ҳамюртимизнинг бўлажак рақиби айни пайтда жангга тайёргарликни Нурмагомедовлар билан биргаликда олиб бормоқда. Маҳмуд Мурадов эса мазкур жангга одатдагидек Польшадаги "Анкос ММА" залида машғулот олиб боряпти.

Жанг 2024 йилнинг 4 февраль куни Лас-Вегас (АҚШ) шаҳрида ташкил этиладиган UFC Fight Night турнири доирасида ўтказилади.

Эслатиб ўтамиз, Маҳмуд Мурадов UFC'даги сўнгги жангини 2023 йил июль ойида америкалик Брайан Барберенага қарши ўтказиб, очколар ҳисобига кўра ғалаба қозонган эди. Алиасхаб Хизриев эса лигада ҳозирча битта жанг ўтказган. У ўзининг дебют жангида ҳамюрти Денис Тьюльюлинни доғда қолдирган.