06 сен 14:50
Новости

Теннис

Алькарас Жоковични барча қопламали кортларда ютган бешинчи теннисчига айланди

Дунёнинг иккинчи ракеткаси Карлос Алькарас АҚШ Очиқ чемпионатининг 1/2 финалида рейтингнинг еттинчи поғонасида бораётган сербиялик афсона Новак Жоковичдан устун келди.

Бу билан испаниялик ракетка устаси Жоковични барча - хард, грунт (тупроқ) ва майса қопламали кортлардаги ATP турнирларида мағлубиятга учратган тарихдаги бешинчи теннисчига айланди.

Opta статистик операторининг X ижтимоий тармоғи орқали хабар беришича, Новак Жоковични Карлос Алькарасгача швейцариялик Рожер Федерер, испаниялик Рафаэль Надаль, британиялик Энди Маррей ва амалдаги ўйинчилардан дуёнинг биринчи ракеткаси италиялик Янник Синнер барча қопламали кортларда мағлуб этишга муваффақ бўлган.