Алькараз фаолиятида илк бор "Ролан Гаррос" финалида ўйнайди

Испаниялик теннисчи беш сет давом этган 1/2 финалда сайёрамизнинг иккинчи ракеткаси, италиялик Янник Синнерни мағлуб этишни уддалади - 2/6, 6/3, 3/6, 6/4, 6/3. Теннисчиларнинг ўзаро учрашувларида Алькараз олдинда бормоқда - 6:4. 

Тўрт соату 12 дақиқа давом этган баҳсда Алькараз 8, Синнер 7 та эйс зарбасини амалга оширган. Қўшхатолар шу статистиканинг акси бўлди - 8 га 7, Янник фойдасига. Иккала теннисчи ҳам 6 тадан брейк қайд этган. Карлос фаолиятида илк бор Франция Очиқ чемпионатининг финалида ўйнайди.