05 ноя 11:51
Новости

Бокс/ММА

Альмейда Льюисга қарши жангда UFC рекордини янгилади

Хабарингиз бор, бугун тонг саҳарда Сан-Паулу (Бразилия) шаҳрида UFC Fight Night 231 турнири бўлиб ўтди.

Оқшомнинг марказий жанги оғир вазн тоифасида ўтказилиб, унда бразилиялик Жаилтон Альмейда америкалик Деррик Льюисни беш раунд тўлиқ давом этган баҳсда очколар ҳисобига кўра мағлубиятга учратди.

Айнан мана шу жангда UFC рекорди янгиланди. Жаилтон рақиб устидан назорат қилиш вақти бўйича рекорд қайд этди. Мезбонлар вакили 25 дақиқалик жангнинг 21 дақиқаю 10 сониялик вақти мобайнида баҳсни назорат қилган. Альмейда жангнинг катта қисмини партерда ўтказди ва очколарини асосан шу вазиятда қўлга киритди.

Бундан аввалги UFC рекорди Кёртис Блейдсга тегишли эди. У 2020 йилда россиялик Александр Волковга қарши ўтказган жангида 19 дақиқа 50 сония вақт давомида рақиби устидан назорат қилганди.