15 янв 08:43
Новости

Теннис

Амалдаги Australian Open чемпиони учинчи даврага чиқди

Австралиянинг Мельбурн шаҳрида "Катта Дубулға" туркумига кирувчи нуфузли турнир давом этмоқда.

Australian Open мусобақасининг аёллар ўртасидаги баҳсларида дунёнинг биринчи ракеткаси Арина Соболенко учинчи давра иштирокчисига айланди. Беларуслик теннис маликаси иккинчи босқичда WTA рейтингида 54-ўринни эгаллаб турган испаниялик Жессика Бузас Манейрони мағлубиятга учратди — 6:3, 7:5.

Тўқсон олти дақиқа давом этган баҳсда Соболенко 2 та, Бузас Манейро эса 4 та эйс зарбасини амалга оширган. Энди Арина 2025 йилнинг илк "Катта Дубулға" турнири учинчи босқичида рейтингнинг 42-поғонасида бораётган даниялик Клара Таусонга қарши кортга чиқади.