Аманда Нунес: "Мен яна икки вазнда UFC чемпиони бўламан"

Ушбу жанг Аманда учун реванш мақомида бўлади. Ўтган йили бу икки аралаш яккакураш устасининг илк жангида Пенья номдор рақибасини биринчи раунднинг ўзида бўғиш усули билан мағлубиятга учратган ва яхшигина шов-шув кўтарган эди.  

"Жулианна исталган гапирини гапираверсин. Мен шанба оқшомида уни йўқ қиламан. Бу камаримни қайтариш учун яхши имконият. Ишонч билан айта оламанки, мен яна икки вазн чемпиони бўла оламан. Фақат бу сафар зарбаларимнинг аниқлигига эътибор қаратишим керак. Албатта, хато қилмайдиган одам йўқ. Мен ҳам биринчи жангда хатога йўл қўйдим. Лекин реванш жангига тайёргарлик жараёнида хатолар устида ишладим. Камчиликларимни бартараф этишга ҳаракат қилдим. Рақибимдан кўра яхшироқ тайёрландим деб ўйлайман. Ўрмонда фақат битта шер бўлади ва ўша менман", - дея UFC 277 турнири олдидан ўтказилган матбуот анжуманида фикр билдирди Нунес.

Эслатиб ўтамиз, бизнинг вақт билан якшанба тонгида АҚШнинг Даллас шаҳрида ўтказиладиган UFC 277 турнирининг марказий жангида Жулианна Пенья ва Аманда Нунес ўзаро тўқнаш келишади.