18 июн 07:43
Новости
Бокс/ММА
Ана бўлмасам! Уланбековнинг жанги жароҳат сабаб бекор қилинди
Россиялик аралаш яккакураш устаси Тагир Уланбеков UFC'даги кейинги жангини жароҳат олгани боис ўтказиб юборишини маълум қилди.
"Бўлажак жангимга жуда қаттиқ тайёрландим, залда 100 % боримни бериб шуғулландим. Жангга 12 кун қолганди, вазн қилиш ҳафтасини бошлашдан аввал оғир спарринг ўтказдим. Октагонга чиқдим, икки раунд ишладим. Аммо, учинчи раунд сўнгида тейкдаун амалга оширишга уриндим ва танамнинг ўнг қисмида оғриқ ҳис қилдим.
Кеча рентгенга тушдим. Шифокор қовурғам синганини айтди. Айнан шу сабабдан жангим бекор бўлди. Менга ишонган ва қўллаб-қувватлаган барчага раҳмат", - деб ёзган Уланбеков ижтимоий тармоқдаги саҳифасида.
Аввалроқ, Тагир Уланбековнинг навбатдаги рақиби ва жанг санаси маълум бўлгани ҳақида хабар берган эдик. Бундан ташқари, у яқиндагина Хабиб Нурмагомедов билан машғулотларни ўтаган эди.
Ссылка :
Источник : championat.com
Комментарии