13 янв 11:06
Новости

Анчелотти "Эл Классико"даги йирик мағлубият сабабини очиқлади

Мадриднинг "Реал" клуби бош мураббийи Карло Анчелотти "Барселона"дан қабул қилиб олинган йирик ҳисобдаги мағлубиятнинг асосий сабабини айтди.

"Биз бугун умуман ўйнамадик. Учрашувдан олдинги режалар ўхшамади. Ҳимояда эса жуда ёмон ҳаракат қилдик. Мана бу бизнинг мағлубиятимизнинг асосий омили бўлди. Биз юқорида яхши прессинг қила олмадик. Танаффусда болаларга футбол ўйнашимиз кераклигини айтдим.

Фақатгина Мбаппе кўрсатган ўйин хурсанд қилди. "Барселона" футболчиси қизил карточка олганида қайтишга умид пайдо бўлганди. Лекин бунда ҳам вазият ўзгармади. Фақат узун паслар билан ўйнашга интилдик. Аммо бу биз ўйнайдиган футбол эмасди. Алоҳида футболчиларни ажратишни хоҳламасдим. Биз бир жамоамиз. Шунчаки, "Барселона" бугун яхшироқ эди", — деди Анчелотти.