16 мар 19:12
Новости
Анчелотти: "Винисиус – дунёнинг энг яхши футболчиси"
"Реал" устози Карло Анчелотти "Ливерпул"га қарши ўйиндан сўнг фикрларини билдирди.
Мадрид клуби бош мураббийи айни пайтда Винисиус Жуниорни дунёнинг энг яхши футболчиси, деб ҳисоблашини айтди.
Кеча "Реал" Чемпионлар Лигаси нимчорак финал жавоб ўйинида Англиянинг "Ливерпуль" клуби устидан ўз уйида кичик 1:0 ҳисобида устун келди. Ягона тўп Винисиуснинг узатмасидан кейин Карим Бензема томонидан киритилди. Биринчи ўйинда ҳам бразилиялик футболчи 2 та гол уриб, 1 та голли узатмани амалга оширган эди.
"Мен учун Винисиус дунёда тенгсиз. Бу ўйинда у гол урмади, лекин жуда яхши ўйнади ва ассист қайд этди", – деди Карло Анчелотти.
22 ёшли футболчи ушбу мавсум барча турнирларда "қироллик клуби" учун 40 та ўйинда 19 та гол урди ва шерикларининг 9 та голига ҳисса қўшди.
Ссылка :
Источник : Marca
Комментарии