23 фев 12:03
Новости

Теннис

Андрей Рублёв Қатар турнирида бош совринга эга чиқди

Қатар пойтахти Доҳа шаҳрида теннис бўйича ATP 500 тоифасига кирувчи нуфузли турнир якунига етди.

Мусобақа бош соврини россиялик Андрей Рублёвга насиб этди. Дунёнинг 10-ракеткаси ҳал қилувчи финал баҳсида ATP рейтингида 16-ўринни эгаллаб турган британиялик Жек Дрэйперни уч сет натижасига кўра мағлубиятга учратди - 7/5, 5/6, 6/1. Теннисчиларнинг ўзаро учрашувларидаги ҳисоб янада йириклашди - 4:0.

Икки соату беш дақиқа давом этган баҳсда Рублёв 8, Дрэйпер 12 та эйс зарбасини амалга оширган. Россиялик фаолиятидаги 17-совринни қўлга киритди. Доҳадаги муваффақиятли иштирок унга 500 рейтинг очкоси ва 516,165 АҚШ доллари миқдорида мукофот пули тақдим этди. Дрэйпер эса 330 очко ҳамда 277,715 доллар ишлаб олди. Рублёв эртага эълон қилинадиган янги рейтингда 9-ўринга кўтарилади.