12 июн 14:15
Новости

Англия терма жамоаси тарихда илк бор Африка жамоасига мағлуб бўлди

Англия терма жамоаси Африка жамоасига қарши ўйинда тарихдаги биринчи мағлубиятини қабул қилиб олди.

10 июнь куни Ноттингем шаҳридаги "Сити Граунд" стадионида ўтказилган ўртоқлик учрашувида инглизлар Сенегалга 1:3 ҳисобида имкониятни бой беришди.

Бунгача "уч шерлар" Африка жамоаларига қарши 21 та ўйин ўтказиб, 15 ғалаба ва 6 та дуранг натижа қайд этишганди. Қўшимча антирекорд – ўтказиб юборилган 3 та гол. Аввалроқ, Англия Африка жамоаларига бир ўйинда иккитадан ортиқ гол уришга йўл қўймасди.

Бу ўйинда Ҳарри Кейн еттинчи дақиқадаёқ ҳисобни очган бўлса, Сенегал Исмаил Сарр, Ҳабиб Диарра ва Чейх Сабалининг голлари билан жавоб қайтарди.