28 окт 14:35
Новости

Анри Зиданнинг бўлажак иш жойини айтди

Мадриднинг "Реал" клуби собиқ бош мураббийи бир неча кун аввал фаолиятини қайта тиклашга шама қилган эди.

Зинедин Зиданнинг Франция терма жамоасидаги собиқ жамоадоши Тьерри Анри "CBS Sports" телеканалига берган интервюсида "Реал" собиқ бош мураббийининг келажакдаги манзили Франция термаси бўлиши мумкинлигини айтди.

"У "Ювентус"га бормайди. Менимча, Зидан Франция терма жамоасини кутмоқда", – деди Анри.

Франция терма жамоасини ҳозирги кунда 2024 йилгача мўлжалланган шартномага имзо қўйган Дидье Дешам бошқармоқда. Зидан 2021 йилнинг ёзида "Реал"ни тарк этганидан буён ишга қайтмаган.