17 фев 10:49
Новости

Каратэ

Анвар Бойназаров бу сафар Дэнверда жанг қилади, рақиб ҳам аниқ + ПОСТЕР

28 февраль куни АҚШнинг Колорадо штати, Дэнвер шаҳрида жанговар каратэ бўйича Karate Combat 53 мусобақаси ташкил этилади.

Турнир доирасида ўзбекистонлик аралаш яккакураш устаси Анвар Бойназаров ҳам чиқиш қилади. Ҳамюртимизга мексикалик Луис Гуерреро рақиб бўлади. Оқшомда собиқ UFC жангчиси, Олимпия ўйинлари совриндори Робелис Деспанье ҳам иштирок этади.

Маълумот учун, 36 ёшли Анвар Бойназаров жанговар каратэдаги дебютини шу йилнинг 24 январь куни KC 52 турнирида аргентиналик Игнасио Капллончга қарши ўтказиб, биринчи раунддаёқ нокаут эвазига ғалаба қозонганди. Анвар Бойназаров билан тенгдош Луис Гуерреро эса ҳозирга қадар фақат ММА жангларида қатнашган. Унинг ҳисобида 12 ғалаба ва 5 та мағлубият бор.