29 мая 15:18
Новости

Бокс/ММА

Анвар Бойназаровнинг навбатдаги рақиби ва жанг санаси маълум бўлди

Ҳамюртимиз Анвар Бойназаров кейинги жангини қачон ва кимга қарши ўтказиши ойдинлашди.

2 июль куни Япониянинг Осака шаҳридаги Edion Arena'да кикбокс бўйича Rise World Series мусобақасининг 2023 йилдаги илк босқичи бўлиб ўтади.

Биз учун аҳамиятлиси, мазкур мусобақа доирасида ярименгил вазн тоифасида ўзбекистонлик жангчи Анвар Бойназаров ҳам октагонга кўтарилади. Анварга ўша куни мезбонлар вакили Кенто Харагучи (22-3-1) рақиблик қилади.

Маълумот учун, Анвар Бойназаров сўнгги бор 5 март куни Флорида (АҚШ)да ташкил этилган Combat Nights ММА турнирида америкалик Мэттью Кнауссга (1-10) қарши жанг ўтказиб, муддатидан аввал ғалаба қозонган эди.