АПЛ клубидан 4 очко олиб ташланди

Нуну Эшпириту Санту жамоаси лиганинг молиявий қоидаларини бузгани учун 4 очкодан маҳрум қилинди. "Мустақил комиссия "Ноттингем Форест" футбол клубини 2022/23 йилги мавсумда Премер-лиганинг даромадлилик ва барқарорлик қоидаларини бузгани учун дарҳол тўрт очкони олиб ташлаш билан жазолади.

"Ноттингем Форест" белгиланган миқдордан (61 млн. фунт) 34,5 млн. фунтга кўпроқ пул сарфлаганини тан олгани учун уларнинг иши мустақил қўмитага топширилди. "Ноттингем"дан 4 очко олиб ташланганидан сўнг, жамоа АПЛнинг "қизил ҳудуди"га тушиб қолди. Энди уларда 21 очко бор.