01 сен 12:41
Новости

Теннис

Арина Соболенко US Open учинчи даврасига йўл олди

Сайёрамизнинг иккинчи ракеткаси Арина Соболенко АҚШ Очиқ чемпионатининг учинчи давра иштирокчисига айланди.

Беларуслик теннис маликаси иккинчи даврада WTA рейтингида 96-поғонадан жой олган британиялик Жоди Анна Бёррэджни ортиқча қийинчиликсиз мағлубиятга учратди - 6/3, 6/2. Бу теннисчиларнинг ўзаро ўтказган илк учрашуви эди.

Етмиш олти дақиқа давом этган баҳсда Соболенко 7 та эйс, 3 та брейк қайд этиб, 3 та қўшхатога йўл қўйди. Аринанинг US Open учинчи босқичидаги рақибаси франциялик Клара Бюрель бўлади.