20 авг 14:47
Новости

Спортивная борьба, Париж-2024

Артур Таймазов ўзбекистонликларни Париж Олимпиадасидаги муваффақиятли иштирок билан табриклади

Эркин кураш бўйича Ўзбекистонга Олимпиаданинг 4 та медалини олиб берган, айни пайтда Россия Федерацияси давлат думаси депутати сифатида фаолият юритаётган Артур Таймазов ўзбекистонликларга мурожаат қилди.

"Ўзбекистон менинг ҳаётимда алоҳида ўрин тутади. Мен кўп йиллар давомида мамлакат олимпия терма жамоаси аъзоси сифатида мусобақаларда қатнашдим ва бугун ёш авлод спортчиларининг юксак халқаро даражадаги ғалабаларини кўриб, ғурурланяпман ва бундан хурсандман!

Бундай муваффақиятлар катта тизимли ишлар, спортни ривожлантириш самараси бўлиб, бугунги кунда амалга оширилаётгани ғоят муҳимдир. Париждаги Олимпия ўйинларининг барча чемпион ва совриндорларини табриклайман ва албатта, азиз ва қалбимга яқин юрт — Ўзбекистонга равнақ ва фаровонлик тилайман!", деди Артур Таймазов.