14 мая 14:11
Новости

Асенсио "Реал"да Зиданнинг натижасини такрорлади

"Реал" футболчиси Марко Асенсионинг голи ЛаЛига доирасида "Хетафе" устидан ғалаба олиб келди.

Шу орқали у "қироллик клуби" таркибида чемпионат доирасида 37 гол урди ва Зинедин Зиданнинг голлари сони билан тенглашиб олди.

Зидан 2001-2006 йиллар давомида "Реал" таркибида ўйнаб, 155 учрашувда 37 марта рақиблари дарвозасини ишғол қилган. 2015 йилдан буён "Реал"да ҳаракат қилаётган Асенсио учун эса 185 ўйин керак бўлди. Асенсионинг "Реал" билан шартномаси ёзда якунига етади.