24 апр 15:45
Новости

Асилбек Алиев — ФИФА эътирофида!

Теги : ФИФА U 17 Осиё кубоги Асилбек Алиев

ФИФА расмий сайтида U-17 Осиё кубогида жамоаси сафида ёрқин ўйин намойиш этган ёш футболчилар қатори Ўзбекистон терма жамоаси ҳужумчиси ва турнирнинг энг яхши тўпурари Асилбек Алиев ҳам эътироф этилди.

“2025 йилги Осиё кубоги нафақат минтақавий мусобақа, балки Осиё футболининг келажакдаги юлдузларини кашф қилиш учун ажойиб майдон бўлиб хизмат қилди.

Ёш футболчилар мусобақада ўз жамоаларининг муваффақиятли натижага эришиши ва ФИФА U-17 Жаҳон чемпионатига йўлланма олиши йўлида ўзларини барча жиҳатдан намоён эта олдилар.

Асилбек Алиев (Ўзбекистон): Ушбу ёш иқтидор Ўзбекистоннинг чемпионлик йўлида энг асосий футболчилардан бири бўлиб, ҳужум чизиғини ишонч ва совуққонлик билан бошқарди. Мусобақанинг дастлабки тўрт учрашувида у бешта гол урди ҳамда ажойиб ҳужумчилик маҳорати билан ажралиб турди. Алиев якунда мусобақа тўпурари, шунингдек, Марказий Осиё футболининг энг ёрқин келажак юлдузи сифатида катта эътирофга сазовор бўлди”, - дейилади хабарда.