ATP Finals. Дунёнинг биринчи ракеткасида иккинчи ғалаба

Дунёнинг биринчи ракеткаси Янник Синнер гуруҳнинг иккинчи учрашувида ATP рейтингида бешинчи ўринни эгаллаб турган америкалик Тэйлор Фритцни 6/4, 6/4 ҳисобида мағлубиятга учратди. Италиялик бу ғалабаси билан теннисчиларнинг ўзаро учрашувларидаги ҳисобни 3:1 кўринишига олиб келди. 

Роппа-роса 100 дақиқа давом этган баҳсда Синнер 6, Фритц 7 та эйс зарбасини амалга оширган. Иккала теннисчи ҳам қўшхатога йўл қўймади. Синнер Илие Настасе гуруҳида икки ғалаба билан пешқадамликни давом эттирмоқда. Энди у сўнгги учинчи турда россиялик Даниил Медведевга қарши кортга чиқади.