ATP Finals. Янник Синнер ғалаба билан бошлади

Дунёнинг иккинчи ракеткаси Янник Синнер мусобақадаги иштирокини ғалаба билан бошлади. Италиялик теннисчи Бьорн Борг гуруҳининг илк учрашувида ATP рейтингида саккизинчи ўринни эгаллаб турган канадалик Феликс Оже-Альяссимга қарши кортга чиқди. 

Тўқсон саккиз дақиқа давом этган баҳсда Синнер икки сет натижасига кўра ғалаба қозонди - 7/5, 6/1. Янник теннисчиларнинг ўзаро учрашувлари ҳисобида олдинда бормоқда - 4:2. Синнер 3, Оже-Альяссим 9 та эйс зарбасини амалга оширган.