14 ноя 10:32
Новости

Теннис

ATP Finals. Зверев Каспер Руудга иккинчи мағлубиятни тақдим этди

Дунёнинг иккинчи ракеткаси Александр Зверев йилнинг Якуний ATP турнирида муваффақиятли иштирок этяпти.

Германиялик теннисчи гуруҳ босқичининг иккинчи учрашувида ҳам ғалабага эришди. Зверев бу сафар ATP рейтингида еттинчи ўринни эгаллаб турган норвегиялик Каспер Руудни мағлубиятга учратди - 7/6(3), 6/3. Теннисчиларнинг ўзаро учрашувларида Александр олдинда бормоқда - 4:2.

Саксон саккиз дақиқа давом этган баҳсда Зверев 11, Рууд 3 та эйс зарбасини амалга оширган. Зверев сўнгги тур олдидан Жон Ньюкомб номли гуруҳда икки ғалаба билан пешқадамлик қиляпти. Битта ғалаба ва мағлубиятга эга Рууд иккинчи ўринни эгаллаб турибди.