08 янв 18:34
Новости
Теннис
Australian Open. Бугунги барча саралаш учрашувлари ёмғир сабаб қодирилди
Бугун Австралиянинг Мельбурн шаҳрида теннис бўйича "Катта Дубулға" туркумига кирувчи йилнинг дастлабки мусобақаси старт олиши керак эди.
Аммо ёғаётган ёмғир сабаб Australian Open турнирининг бугунги квалификация, яъни саралаш баҳслари эртангига қолдирилди. Эртага шунингдек, саралашнинг 1/4 финал учрашувлари ҳам ўтказилиши керак. Бу ўйинлар аввалбошдан ташкилотчилар томонидан сешанба тонгига қўйилган эди.
Эртага тонг саҳарда ҳамюртимиз Нигина Абдураимова ҳам Австралия Очиқ чемпионатидаги иштирокини бошлайди. Мамлакатимизнинг биринчи ракеткаси қуръа натижасига кўра саралашнинг илк босқичида бразилиялик Лаура Пигоссига қарши кортга чиқади. Бу учрашув бизнинг вақт билан соат 04:00да бошланиши белгилаб қўйилган.
Ссылка :
Источник : gotennis
Комментарии