21 янв 16:51
Новости

Теннис

Australian Open. Новак Жокович иштирокидаги баҳс уч сет давом этди

Австралиянинг Мельбурн шаҳрида мавсумнинг илк "Катта Дубулға" турнири давом этмоқда.

Дунёнинг бешинчи ракеткаси бўлиб турган Новак Жокович учинчи давра учрашувини ўтказди. Сербиялик теннис юлдузи 3 соату 6 дақиқа давом этган баҳсда ATP рейтингида 28-поғонада бораётган болгариялик Григор Димитровни 7/6(7), 6/3, 6/4 ҳисобларида таслим этди.

Бу теннисчиларнинг ўзаро ўтказган 11-учрашуви эди. Болгариялик фаолиятида фақат бир маротаба номдор рақибини мағлубиятга учратган. Жокович 10, Димитров 13 та эйс зарбасини амалга оширди. Энди Новак Australian Open 1/8 финалида австралиялик Алекс Де Минаурга қарши кортга чиқади.